ჩემი საქართველო

კიდევ ერთი მნიშვნელოვანი ექსკურსია, რომელსაც უნდა ეზიაროს მოსწავლე თავიდანვე. ეს გახლავთ ექსკურსია, რომლის განმავლობაშიც მოსწავლეები გაიცნობენ საქართველოს კუთხეებს, მათთვის გასაგებ ენაზე მოისმენენ თითოეული კუთხის ტრადიციებს, ადათ-წესებს, დამახასიათებელ თვისებებს და ა.შ. ვიზუალური თვალსაზრისით კი გაეცნობიან სხვადასხვა კუთხეების საცხოვრებელ ნაგებობებს და ეთნოგრაფიულ მასალას. ექსკურსია მნიშვნელოვანია განსაკუთრებით იმ მხრივ, რომ მოსწავლეს თავიდანვე ჩამოუყალიბდეს ეროვნული და პატრიოტული სულისკვეთება. ამ ექსკურსიით სარგებლობის შემთხვევაში თუ დაგეგმავთ ექსკურსიის წინ სასკოლო ღონისძიებას, მოსამზადებელი ეტაპისთვის გადმოგცემთ სცენარს საქართველოს კუთხეების შესახებ, რის შემდეგაც მოსწავლეებისთვის უფრო დასამახსოვრებელი და შთამბეჭდავი იქნება ექსკურსიის შინაარსი.