უფლისციხე, ატენის სიონი

უფლისციხის კლდეში ნაკვეთი ქალაქი თავისი არსით და მნიშვნელობით უმნიშვნელოვანესია როგორც ქართულ ისტორიაში, ასევე არქიტექტურასა და კულტურაში. რაც უფრო ადრე გავაცნობთ მოსწავლეებს ამ უნიკალურ ძეგლს, მით უფრო ბევრი ეცოდინებათ. მეექვსე კლასიდან ზემოთ ასაკის მოსწავლეებისთვის მიზანშეწონილად ჩავთვალეთ უფლისციხის მონახულება. თქვენ შეძლებთ ადგილზე დაათვალიეროთ კლდეში ნაკვეთი ქალაქი, გაიაზროთ მისი მასშტაბები. დაათვალიეროთ მისი უბნები. ადგილზე მოგიყვებით როგორ ცხოვრობდა ხალხი, რომელი უბნებისგან შედგებოდა ნაქალაქარი, როგორი იყო მისი ინფსრასტურქტურა, ქუჩები, სახლები, სამლოცველოები, წყლით მომარაგება და ა.შ. უფლისციხის დათვალიერება გიდის თანხლებით და მისი გაცნობა ყველა მოსწავლეზე წარუშლელ შთაბეჭდილებას დატოვებს. ამის შემდეგ კი გადაინაცვლებთ ასევე უნიკალურ და უმნიშვნელოვანეს ძეგლთან – ატენის სიონთან, რომელიც თავისი ორნამენტებითა და მოხატულობით დიდ შთაბეჭდილებას დატოვებს თქვენზე.