ბოლნისის პეტრე-პავლეს ეკლესია, ფიტარეთი და ხულუტის ციხე

თუ გსურთ, თქვენს მოსწავლეებს აჩუქოთ ექსკურსია, რომელიც სცილდება სტანდარტულ ჩარჩოებს და ნამდვილ ისტორიულ-საბრძოლო თავგადასავლად იქცევა, მაშინ ქვემო ქართლის ეს მარშრუტი საუკეთესო არჩევანია. ტური სპეციალურად არის გათვლილი მოსწავლეებზე, რომელთაც აინტერესებთ საქართველოს შუა საუკუნეების ისტორია, არქიტექტურა და ძველი ქართული საბრძოლო ხელოვნება.

პროგრამა საოცრად მრავალფეროვანია: ის იწყება ადრეული ქრისტიანული ხუროთმოძღვრების გაცნობით, გრძელდება ტყეში ჩაფლული ფიტარეთის მონასტრის აღმოჩენით და გვირგვინდება ხულუტის ციხესიმაგრის მონახულებით. ეს არის ცოცხალი გაკვეთილი ისტორიაში, არქეოლოგიასა და სამხედრო ტაქტიკაში, რომელიც მოსწავლეებს საინტერესო ცოდნას შესძენს და კლასს საოცრად შეაკავშირებს.

ქვემო ქართლი საუკუნეების განმავლობაში საქართველოს მნიშვნელოვან თავდაცვით და კულტურულ კერას წარმოადგენდა. მოსწავლეები ადგილზე ნახავენ ბოლნისის პეტრე-პავლეს ულამაზეს ტაძარსა და ფიტარეთის მონასტერს. გიდის თანხლებით ბავშვები გააანალიზებენ ამ ძეგლების არქიტექტურულ თავისებურებებს და გაიგებენ, თუ რა როლს თამაშობდა ეს ტაძრები რეგიონის ცხოვრებაში.

ტურის განსაკუთრებული ნაწილი ხულუტის ციხეს უკავშირდება. ადგილზევე მოსწავლეები გაეცნობიან ძველი ქართული ციხესიმაგრეების დაცვისა და საბრძოლო წესებს — დაზვერვას, შეტევასა და ბრძოლის ტაქტიკას, რაც ექსკურსიას კიდევ უფრო ინტერაქციულსა და შთამბეჭდავს ხდის.

მოსწავლეები ახლოს გაეცნობიან ქვემო ქართლის მდიდარ ისტორიას, შუა საუკუნეების არქიტექტურასა და ციხესიმაგრეთა მშენებლობის საიდუმლოებებს.

ბოლნისის პეტრე-პავლეს ეკლესისა და ფიტარეთის მონასტრის მონახულება, რაც ბავშვებს რეგიონის სულიერ და კულტურულ მემკვიდრეობას დაანახებს.

საინტერესო შემეცნებითი და აქტიური კომპონენტი ხულუტის ციხეზე, სადაც მოზარდები გაეცნობიან ძველ საბრძოლო წესებს, დაზვერვისა და შეტევის პრინციპებს.

სპეციალურად შერჩეული, უსაფრთხო და ულამაზესი ადგილი ბუნებაში, სადაც ბავშვები მოაწყობენ საერთო სადილს, განვითარდებიან გუნდურად და დაისვენებენ.

ტრანსპორტირება, გიდირება და უსაფრთხოების ნორმები დაგეგმილია უმაღლეს დონეზე, რაც მასწავლებლებისა და მშობლების სრულ სიმშვიდეს უზრუნველყოფს.